Baucau, iha
loron 18 Janeiru, Asosiasaun HAK organiza semináriu nasionál kona-ba “Direitu
Prizioneirus Hodi Asesu ba Justisa Formál”.
Loke dahuluk ba
seminariu ne’e husi Ministru Justisa (MJ) Manuel Cárcerés, hatete rekoñese
kontribuisaun Asosisaun HAK. Tuir Ministru atu mellora di’ak liu polítika
Ministériu Justisa persiza informasaun husi parte hotu-hotu.
Direitór Asosiasaun HAK (Manuel Monteiro Fernandes)
Iha semináriu
ne’e liu husi aprezentasaun materia ho topiku direitu prizioneiru hodi asesu ba
justisa formal liga ho knaar servisu PDHJ nian Provedora direitus Umanos no
Justisa haktuir katak, durante ne’e PDHJ sempre halo monitorizasaun ba iha
Prizaun sira hodi hare ba kondisaun ne’ebé lao iha prizaun nia laran.
Iha semináriu
refere eis Prizioneirus Paulo Antonio Lopez, haktuir katak nia prontu fahe
esperensia diak hodi konsola joven sira atu hadook an husi asaun krimi ne'ebé
bele lori ita ba Prizaun".
Tanba wainhira
ita forma grupu oioin hodi halo asalta malun no rezulta vitima ruma, ita komete
ona Krimi no konsekuensia ita tenke ba Prizaun no wainhira ita tama Prizaun
laiha kolega grupu ida ne'ebé ba ho ita iha Prizaun, no vizita ita bebeik,
maibe so família deit mak sei mai vizita ita regular, eis prizioneirus nee
hatutan.
Semináriu ne’e
rasik realiza husi Asosiasaun HAK iha Salaun Uma Dame Vila Nova Baucau, durante
loron ida no hetan partisipasaun masimu husi Ministru Justisa no nia diretores
sira, Prezidenti autoridade munisipiu Baucau, autoridades lokal, Juis
administrador Tribunal Baucau inklui sosiedade sivil sira.