Bemvindu Vizita ona pagina Blog, Asosiasaun HAK, Pagina oficial ida ne'e legal, atu publika ba Asuntu Lian Direitus Umanus. Ema Hotu Iha Direitu no Direitu ba Ema Hotu|Asosiasaun HAK| Rua. Karketu Mota Ain, Nu.08, Dili, Timor-Leste

Tuesday, February 12, 2019

(ONG) HAK Rekomenda Hasai Konsuladu Deznesesáriu

No comments :
Dili-Vise diretór Asosiasaun HAK, Sisto dos Santos, rekomenda ba governu atu hasai Konsuladu Embaixada Timor Deznesesáriu ne’ebe estabelese ona iha rai liur.

“Konsuladu balu ne’e maka ladun fo benefisiu ba Timor-oan, presiza ita hasai, atu asegura mós ita nia gastus orsamentu estadu nian, nune’e mós Embaixadór balun ita mós ladun hatene lolos sira nia programa mais kongkretu ne’e saida.” Nia dehan iha ninia kna’ar fatin, Farol, segunda (11/02)

Nia sujere, governu presiza halo avaliasaun profundu no parlamentu nasionaál presiza inisia fiskalizasaun mais adekuadu ba servisu konsuladu no Embaixada reprezenta Timor Leste iha rai liur, tanba deskobre katak iha konsuladu balu la dun halo’o ninia knar ho di’ak.

Tuir nia, lolos papel konsuladu no Embaixada atu promove Timor Leste iha rai liur no kria relasaun di’ak , maibe realidade, iha de’it Embaixada no konsuladu ida rua maka halo, restu hosi ne’e laiha, enkuantu kada tinan estadu sempre aloka orsamentu ba ida ne’e.

“Tanba dala ruma ita haruka konsuladu ida ba, sira lori sira nia familia ba hotu, estadu tau matan ba sira nia oan, sira nia familia sira, selu uma, maibe fo benefisiu ba ita nia povu injeral ne’e saida? Tanba sira reprezenta ita iha ne’eba, sei povu senti ladun iha benefisiu, tanba saida maka mantein gastus osan ne’ebe boot,” nia lamenta.

Mesmu hanesan ne’e, nia apresia ho servisu Embaixadór Timor nian iha Austrália, ne’ebe asume ninia knar ho responsabilidade relasaun ho problema mina nian iha altura ne’eba, nune’e mós Embaixadór Timor nian iha Xina, ne’ebe halo relasaun di’ak ho Estadu Xina ikus mai kada tinan sempre haruka Timor oan spesifiku Xefe suku sira, tuir estudu komparativu. (Ven)

Fontes : Públika husi Jornal Timor Post, Edisaun (12/02)

Monday, February 11, 2019

HAK, Presiza Halo Avaliasaun ba (ONG) Internasionál

No comments :
Dili-Estadu Timor-Leste Presiza atu ho urjentimente halo avaliasaun ba organizasaun naun governamental (ONG) internasionál sira ho parseria nasionál (lokál) ne’ebe hala’o atividade iha rai laran.

“Estadu presiza halo avaliasaun tanba tina 20 ona avaliasaun ba NGO nasionál no internasionál, pur ezemplu ita tenke hatene sira nia donor ne’e hosi ne’ebe ? To’o  tinan hira? Sira nia benefisiáriu ne’e iha ne’ebe? Labele ba de’it programa ne’e halo iha ne’ebe, komunidade mos tenke komfirma NGO ne’e imi hasoru ka lae,”hatete ativista direitu umanus hosi Asosiasaun HAK, Sisto dos Santos ba Timor Post iha Farol, sexta (08/02).

Tuir nia, objetivu fundamental Estadu presiza halo avaliasaun, tanba indetifikadu ONG internasionál balu mai ho orientasaun ajuda Timor ho laran, maibe balu iha interese material de’it no sempre taka an hosi públiku kona-ba sira nia atividade no asistensia ne’ebe fó ba povu Timor oan.

“Tempu to’o ona atu halo avaliasaun, NGO sira ne’ebe maka malandru uitoan, hau hanoin tenke hare ida ne’e, no Estadu tenke interven ona, se lae ema hotu-hotu aproveita povu ne’e nia situasaun mijeravel, maibe osan ne’e ba sira (ONG) nia an,” nia hatutan.

Tanba nia deskobre, iha ema balu hari’i ONG, maibe utiliza fali hodi hetan kadeira iha governu, tuir lolos ne’e labele akontese. Sisto mensiona, ONG ne’ebe durante ne’e ho laran ajuda Timor-Leste  ho konsensiamentu ba sein interese mak ajensia no ONG sira ne’ebe mai hosi nasaun Alemaná no fransa, restu hosi ida ne’e sei hamosu perguntas.

Nia kontesta, agora ba oin, Estadu mos presiza hare fila fali, prezensa ONG internasionál sira ne’e sei nesesáriu ka lae. Tanba ne’e sei eziste maibe tenke tuir povu nia nesesidade . Alende ne’e, nia observa, programa ne’ebe ONG nasionál no internasionál sira implementa iha baze , dala ruma la atinji ninia objetividade espesifiku, hotu-hotu lori povu ninia naran maibe ikus mai povu ida ne’ebe la klaru.

“Hau hanoin NGO sira mos tenke hatene sira nia konstituente ne’e se, benefisiáriu espesifiku ne’e laiha,” nia lamenta.Nia konsiente katak dala barak ONG sira ezije ba Governu atu  halo transparansia ba relatóriu maibe ONG sira rasik la halo akontabilidade. Situasaun ne’e nia konsedera dezastre boot tanba  ne’e dala ruma ema kritika katak ONG ne’e buka osan de’it.

“ida ne’e maka potensia ba korrupsaun no poténsia ba estraga ita nia rain ne’e,” nia dehan. Ikus liu nia sujere ONG lokál sira bele kompartilla ho ONG internasionál sira, hodi foti sira ninia rekursu, maibe tenke kontestualiza no bele konkretiza ho situasaun reál ne’ebe povu hasoru iha terenu. (Ven)

Fontes : Públika husi Jornal Timor Post (11/02)

Wednesday, February 06, 2019

Sosiedade Sivíl Husu Parlamentu Nasionál (PN) Atu Haree Ona Lei Importante Haat (4)

No comments :
Dili-Sosiedade Sivíl hanesan Judicial System Monitoring Program (JSMP) no Asosiasaun HAK, husu ba Parlamentu Nasionál (PN) tenki prioritiza lei importante haat, Projetu Lei Anti Korrupsaun, Lei Justisa Juvenil, Lei Orden Advogadu, no Lei Reparasaun Nasionál ba Vitima iha Krime Pasadu.

Direitór Ezekutivu (JSMP), Luis Oliveira Sampaio, hatete lei hirak ne’e importante tanba interligadu diretamente ba interese povu nian. Ezemplu  lei reparasaun nasionál ba vitima, persiza atensaun intensivu, tanba vitima sira hein hela jsutisa ne’ebe justu sira.

“Hau nia hanoin lei hirak ne’e importante atu prioritiza, maibe atu halo  ida ne’e ami rekomenda ba Prezidente Parlamentu atu estabelese planu lejislativu nasionál ba V lejislatura nune’e bele hatuur planu lejislativu, “dehan Luis Sampaio ba jornalista sira segunda (04-02).

Nia hatutan, atu (PN) realiza aprovasaun ba lei hirak ne’e ho fasil, prezidente parlamentu nasionál tenke iha kualidade personalidade ne’ebe nakloke ba Públiku, no iha integridade derije orgaun soberanu nasionál inklui iha kapasidade jestaun komunikasaun institusional ne’ebe diak.

“Hau hanoin importante atu rona aspirasaun públiku, tenke iha kbi’it atu jere diferemsia polítika  no hatudu  interese nasionál aas liu interese politiku, no halo esforsu atu konvense partidu politiku  sira hodi bele kumpri sira nia promesa liu-liu atu halo knaar fiskalizasaun, desizaun politiku no lejislativu ho efetivu liu, ” nia dehan .

Iha Parte seluk, Direitór Ezekutivu Asosiasaun HAK, Manuel Monteiro Fernandes, husu tenke  jere ajenda parlamentu hodi garantia implementasaun rejimentu.

Tamba tuir nia observasaun implementasaun rejimentu parlamentu nasionál durante ne’e ladun funsiona ho diak.

Nia fo ezemplu, iha rejimentu mensiona, deputadu sira tama plenaria tuku 9:00 PM maibe realidade deputadu balu mai tuku 11:00 , no tuku 12:00 fila ba almosu, la fila mai ona parlamentu.

“Oinsa mak kria situsaun ne’ebe maka konfortavel ba deputadu sira nia mandatu atu halo servisu, tanba avaliasaun ne’ebe iha produtividade servisu parlamentu nasionál durante ladun iha, sira abandona servisu  mak barak liu.”

Nia dehan, iha okaziaun ne’e, nia konkorda ho Luis Sampaio katak prezidente  parlamentu mak tenke esforsu halo ajendamentu diskusaun ba lei refere konsideradu importante.

Alende  nia dehan (PNN) no membru deputadu sira  persiza halo revizaun ba lei pensaun vitalisia, tanba lei ne’e seidauk effektivu  mesmu halo ona preimeru revizaun  iha tinan 2017.

Nia nota, iha lei ne’e mensiona ema ne’ebe autorizadu simu pensaun vitalisia tenke ho idade avansadu, maibe lei ne’e la define idade avansadu ne’e tinan hira?

“Lei ne’e tenke halo definisaun klaru katak hosi tinan hira ba tinan hira?, Laos eis titular ho idade produtivu hela, nia bele hetan ona ninia subsidiu pensaun,”nia protesta. Nia kontesta, hosi lei pensaun vitalisia ne'e persiza kria artigu balu hodi preve rejimentu kontributivu, hodi regula karik ema ne'e sei ho idade produtivu, tenke kontribui ba estadu.

Fontes : Timor Post

Friday, January 25, 2019

Manuel Monteiro Husu Lider Istóriku Hatudu Lisaun Di’ak Ba Jerasaun Foun

No comments :
                           
DILI, (TATOLI) – Ativista direitu ema-nian atuál Diretór Fundasaun Direitu Ema-nian no Justisa (Yayasan HAK), Manuel Monteiro, sujere ba lider istóriku sira atu husik hela lisaun di’ak ba jerasaun foun sira atu banati tuir.
“Sira tenke husik hela buat ne’ebé di’ak mai ita. Agora ita hatutan oinsá enkuantu sira rasik rai hela polítika ódiu no vingansa ba malu. Ne’e sei buras no sei aat liu-tan iha jerasaun foun sira nia moris”, Monteiro ba Tatoli iha nia kna’ar fatin Faról, tersa ne’e relasiona ho laiha estabilidade polítika entre lider istóriku sira.
Tuir nia se lider istóriku sira husik hela lisaun di’ak ba jerasaun foun maka entre sira ne’e rasik la presiza iha intermediáriu, maibé sira rasik maka tenke iha fuan boot atu buka malu hodi hakotu situasaun inserteja polítika ne’ebé maka iha.
“Bainhira ida ne’e maka sira hakotu ona, maka husik hela lisaun di’ak mai ita atu kontinua sira nia rotan ukun ninian ba ukun ida ne’ebé maka demokrátiku, ukun ida ne’ebé maka respeitu lei, ukun ida ne’ebé maka tane aas valór umanidade no valór solidariedade ba malu”, Manuel haklaken.
Nia haktuir inserteja polítika ne’e mosu, tanba orgaun soberania sira la haree didi’ak artigu 69 Konstituisaun Repúblika (prinsípiu separasaun poder).
Nia dehan bele iha separasaun poder maibé iha interdependénsia ba malu, tanba ne’e, kuandu deskorda buat balun ne’ebé liga ba asuntu nasionál, ne’e la signifika katak sira atu hamosu impase polítika, maibé fó atensaun ba malu hodi kuida asuntu nasionál.
“Atu rezolve kestaun ida ne’e, orgaun soberania sira maka tenke halo komunikasaun polítika di’ak ba malu hodi hatán de’it ba interese povu nian. Labele hamosu polítika ódiu no vingansa iha orgaun Estadu sira. Polítika ódiu vingansa ne’e sei rezulta povu sai vítima”, tenik.
“Ba ami, fukun boot ne’e maka kandidatu membru Governu na’in sia (ida rejigna-án ona) ne’ebé maka seidauk simu tomada pose. Tanba ne’e, husu ba nai ulun sira atu deskuti diskute didi’ak, nune’e solusiona lalais”, Manuel salienta.
Jornalista: Xisto Freitas
Editora: Rita Almeida



HAK Sujere (MEJD) Aumenta Orsamentu Ba Merenda Eskolár

No comments :














Asosiasaun Direitus Umanus (HAK) husu ba Ministériu Edukasaun, Joventude no Desportu (MEJD) no Parlamentu Nasional atu aumenta orsamentu hodi hadia kualidade merenda eskolár nian.

Diretor HAK, Manuel Monteiro hateten menu merenda eskolár durante ne’e laiha kualidade inklui fasilidade ba merenda eskolár nian mos la sufsiente iha eksola sira.

Diretór HAK, Manuel Monteiro hateten menu merenda eskolár durante ne’e laiha kualidade inklui fasilidade ba merenda eskolár nian mos la sufsiente iha eskola sira.

“Ami husu governu no Parlamentu Nasional atu aumenta orsamentu ba programa merenda eskolar tanba ita sei iha problema lubuk ida mak sei afeta ba ita nia eskola liu-liu merenda eskolár nian,” nia sujere, bainhira halo lansamentu ba relatoriu auditoriu social ba implementasaun programa merenda eskolár, iha Dili.


Alende ne’e, nia dehan dapur inklui bikan, kanuru, tasu, sanan mos laiha no hahan ne’ebe labarik sira konsumu iha merenda eskolar durante ne’e laiha kualidade no menu laiha mudansas husi loron ba loron.

Tuir nia, estadu iha kompromisiu atu melhora diak liu tan status malnutrisaun iha Timor-Leste liu husi implementasaun programa merenda eskolár iha eskola ensino baziku sira.

Portantu programa auditória sociál ne’ebe sira halo ne’e foin ba dala uluk nian ne’ebe halo uluk iha munisipiu Aileu no Dili kona ba implementasaun programa merenda eskolár, oinsa maka governu bele tau matan no hadia polítika kona ba ida ne’e.

Nia hateten, sira halo auditória sociál ba programa ne’e iha eskola sanulu, eskola bazika filial 5 iha munisipiu Aileu no lima seluk iha Dili.

Iha parte seluk Diretór Nasional Aksaun Sociál no Merenda Eskolár (DNASME), Belchior M. Barros reforsa katak levantamentu auditória sosiál ne’ebé mak HAK halo ne’e iha eskola sanulu kompostu husi munisipiu rua.

“Liu husi rekomendasaun ne’ebe iha, oinsa maka ministeriu bele haree no asegura implementasaun programa merenda eskolár iha tinan oin mai,” nia hateten. 
Bazeia rekomendasaun ne’ebe iha, nia dehan kuaze eskola hotu-hotu ho kondiasaun ne’ebe mak seidauk kompletu.



Publika iha: 18 Dezembro 2018
Autor: Estevão Nuno, TDW



Fontes : www.thediliweekly.com/

Tuesday, December 11, 2018

Edukasaun Direitus Umanus

No comments :



Edukasaun direitus umanus liu husi atividade sira hanesan treinamentu, diskusaun grupu, workshop no publikasaun.

Treinamentu ba autoridade estado – Kapasitasaun Lei no Direitus Umanus ba membrus PNTL no F-FDTL sira oinsa mak uza forsa ne’ebé nesesariu, proporsional, legal no iha responsabilidade tuir lei no prinsipiu direitus umanus duranti hala’o sira nia obrigasaun.

Diskusaun focus ho grupu alvu stratejiku sira (GAS) – Atividade ida ne’e hala’o hamutuk ho GAS sira iha distritu kona-ba lei sira no prinsipiu direitus umanus.

Leis sira ne’ebé diskuiti hamutuk mak hanesan Kodiku Prosesu Penal, Kodiku Penal, Lei Organiku PNTL no lei sira kona-ba prinsipiu dreitus umanus. 

Atividade ida ne’e ho intensaun katak bainhira GAS sira iha kuinesementu naton kona-ba lei sira ne’e ho prinsipiu dieitus umanus mak sei fasilita sira oinsa bele iha atendementu ne’ebé diak no tuir lei bainhira mosu poblema ne’ebé aveta direitus umanus.

The human rights education trough the activities as training, group discussion, workshop and publication.

Training for the state authority – capacitate the Lawa and the human rights to members of the national police [PNTL] and the national Force [F-FDTL] on how to use the necessary force, propotional, legal and had responsibility acording to the law and the principles of the human rights during runing their obligation.

Focus group dicussion to the strategic goal groups [GAS] – the activity is realizing with the GAS in the districts about the law and the principles of the human rights. 

The law are ducussing together are e.g the penal code process, penal code, the organic law of PNTL and the law about the human rights. 

The activities is by aim that when the GAS has enough knowledge about the law and the principles of the human rights so they will fascilitate on how to provide a better assistant/service and folow the law if there is problem accour and influence/posses the human rights.



HAK-Lansa Relatóriu Auditória Sosiál Ba Implementasaun Programa Merenda Eskolár-2018

No comments :
Dili, Kinta-Feira, 6 Dezembru 2018. (Fatin Salaun Fokupers), Asosiasaun HAK Lansa Relatóriu Auditória Sosiál Ba Implementasaun Programa Merenda Eskolár-2018 (Iha EBF 10 husi Munisípiu Dili No Aileu).

Objetivu husi Relatóriu Auditoriu Sosiál ne’e bele kontribui hodi fo soslusaun ba melloramentu implementasaun Programa Merenda Eskolár iha Futuru mai.

Nune’e mós bele azuda, oinsa diresaun konpetente sira iha Minitériu Edukasaun ne’ebe responsabiliza implementasaun merenda eskolár bele hamosu lei espesífiku hodi fortifika liu tan implementasaun merenda eskolár ne’e iha futuru.

Liu husi biban ida ne’e, HAK ho laran luak hato’o agradesimentu wa’en ba Uniaun Europeia ne’ebé finansia ona fundus ho 100% ba programa Auditória Sosiál ne’e, nune’e mós obrigadu wa’en ba konsórsiu TAF no FONGTIL/RENAS ne’ebé jere orsamentu, no tau fiar ba HAK hodi implementa programa ne’e.
HAK mós la haluha hato’o agradesimentu wa’en ba parte kompetente sira edukasaun nian, liu-liu Diretór Jerál Ministériu Edukasaun (Sr. Antonino Pires), no Diretór Nasionál Asaun Sosiál Eskolár nian (Sr. Belsior N.A.A Guerra), nune’e mós ba Diretór EBC, Koordenadór EBF no profesór sira ne’ebé hakarak simu no kolabora ho ekipa HAK nian durante hala’o Programa Auditória Sosiál ne’e durante fulan 5 nia laran (Marsu – Setembru 2018). 
Video -Live Chanel-RTTL

Relatóriu Final Auditória Sosiál, kompletu ho grafiku, bele download iha link  tuir mai ne’e (Relatóriu) Versaun Tetum