Asosiasaun Direitus Umanus (HAK) husu ba Ministériu Edukasaun, Joventude no Desportu (MEJD) no Parlamentu Nasionál atu aumenta orsamentu hodi hadia kualidade merenda eskolár nian.
Diretór HAK, Manuel Monteiro, hateten menu merenda
eskolár durante ne’e laiha kualidade inklui fasilidade ba merenda eskolár nian
mós la sufsiente iha eksola sira.
“Ami husu governu no Parlamentu Nasionál atu aumenta orsamentu ba programa merenda eskolár tanba ita sei iha problema lubuk ida mak sei afeita ba ita nia eskola liu-liu merenda eskolár nian,” nia sujere, bainhira halo lansamentu ba relatóriu auditória sosiál ba implementasaun programa merenda eskolár, iha Dili.
Aleinde ne’e, nia dehan dapur inklui bikan, kanuru, tasu, sanan mós laiha no hahan
ne’ebé
Tuir nia, estadu iha kompromisiu atu mellhora di'ak liu tan status malnutrisaun
iha Timor-Leste liu husi implementasaun programa merenda eskolár iha eskola
ensinu baziku sira.
Portantu programa auditória sosiál ne’ebé sira halo ne’e foin ba dala uluk nian
ne’ebé halo uluk iha munisípiu Aileu no Dili kona-ba implementasaun programa
merenda eskolár, oinsá maká governu bele tau matan no hadia polítika kona-ba
ida ne’e.
Nia hateten, sira halo auditória sosiál ba programa ne’e iha eskola sanulu,
eskola bazika filíal 5 iha munisípiu Aileu no lima seluk iha Dili.
Iha parte seluk Diretór Nasionál Aksaun Sosiál no Merenda Eskolár (DNASME), Sr.Belchior M. Barros reforsa katak levantamentu auditória sosiál ne’ebé mak HAK
halo ne’e iha eskola sanulu kompostu husi munisípiu rua.
“Liu husi rekomendasaun ne’ebé iha, oinsá maká ministériu bele haree no asegura implementasaun programa merenda eskolár iha tinan oin mai,” nia hatete. Bazeia ba rekomendasaun ne’ebé iha, nia dehan kuaze eskola hot-hotu ho kondiasaun ne’ebé mak seidauk kompletu.
