Bemvindu mai Vizita Pájina Ofisiál Blog, Asosiasaun HAK Timor-Leste. Hodi Haree Informasaun no Publikasaun Asuntu Lian Direitus Umanus. Iha Seitór Agrikultura, Bee Moos, Edukasaun, Justisa, Justisa Pasadu, Kazu Rai, Seguransa, Saúde no Stolen Children/Labarik Lakon. |Asosiasaun HAK| Rua.Karketu Mota Ain, Nu.08, Fárol, Dili, Timor-Leste |Kontaktu : +670-77257676|Email : info.asosiasaunhak@gmail.com|
Estudante sira Peskija iha HAK Kona-ba Asuntu Direitus Umanus
Estudante sira Peskija iha HAK Kona-ba Asuntu Direitus Umanus
HAK Entrega Livru Justisa Lia Loos ba Sentru Xanana Gusmao Reading Room Ingles
HAK Entrega Relatoriu Publikasaun Pizaun Kona-ba Direitu Prizioneirus asesu Justisa Formal ba VIII Governu Konstitusional
Formasaun Kartaun Pontuasaun Komunidade "KPK" iha Munisipiu Manufahi foku ba Bee ba Feto
Grupu Toos nain iha Raemea, produsaun hortikultura
Sei Prosesu...

Metodolójia Edukasaun Direitus Umanus

Tuesday, December 04, 2018

Direitu ba ema traballador sira iha servisu fatin

Servisu nain sira ka traballador iha Timor-Leste !

Iha konstekstu Timor-Leste, problema barak ne’ebe mosu mak iha kompaña privadu tamba dala barak ema sira ne’ebe servisu iha kompaña privadu sira, barak mak servisu liu oras, ho salariu ka vencementu ida ne’ebe kiik tebes. Realidade hatudu, sira ne’ebe servisu iha restorante, loja, iha kompaña sira ne’e kahur masa no halo blok/batako barak mak servisu liu oras.

Barak mak tama servisu iha dadersan nakukun no to’o kalan mak foin fila ba uma. Barak mos servisu la deskansa iha tempu loron feriadu, hanesan loron Sabadu no Dominggu.

Direitu ba ema traballador sira iha servisu fatin!

Ita sira ne’ebe nudar traballador ka servsiu nain ita iha direitu atu hetan direitu hodi deskansa iha loron boot ka loron feriadu sira.

Ita iha direitu atu la tama servisu iha laron feriadu Nasionál hanesan loron 20 de Maiu, 20 de Agostu, 30 de Agostu, 12 Novembru, 28 Novembru no loron nasionál sira seluk ne’ebe mak regula ona iha kalendariu nasionál.

Mesmu ita la tama iha loron feriadu sira ne’e maibe ita nia salariu sei labele koa. Ita mos iha direitu atu husu lisensa no deskansa bainhira ita hetan moras ruma.

Ita mos iha direitu atu labele hasai husi servisu fatin la ho razaun ne’ebe forti no lolos. Ita nia direitu sira ne’e hakerek ona iha Konstituisaun RDTL artigu 50 pontu 3 katak, bandu atu hasai ema husi nia servisu fatin tamba de’it razaun politika, relijiaun ka ideolojia ruma.

Bazeia ba lei “traballador” artigo 45” hateten katak bandu atu hasai ema husi nia servisu fatin la bazeia ba razaun ruma nebe klaru no justu.

Problema kona-ba direitu humanu iha fatin servisu !

Direitus iha Servisu Kuaze ema maioria mak servisu iha kompaña privadu nudar servisu nain ka traballador. 

Dala barak ema hanoin traballador ka servisu nain mak ema sira ne’ebe serviu iha restorante, hotel, loja, merkadu, kondutor sira, cleaner ka ema sira ne’ebe servisu hamoos uma no jardin. 

Traballador laos deit prega ba sira ne’ebe servisu iha komapaña privadu maibe mos kobre ba ema sira ne’ebe servsiu iha ONG, Profesores ka mestri sira iha eskola nomos ba sira ne’ebe servisu nudar servidor povo hanesan funsionariu sira iha Governu nian, inklui instituisaun Estadu hanesan Parlamentu Nasionál, Prezidente da Repúblika no Tribunál. 

Dalan atu rezolve bainhira iha problema rumaAmi sujere katak tuir etapa hanesan tuir mai: Bele hasoru patraun hodi hato’o ita nia hakarak ; Se mak patraun la rona no la responde ba ita nia preokupasaun, depois ita bele hato’o ba iha Sidikatu Traballador sira ne’ebe eziste iha Dili laran, liu-liu FORAM no SBST.

Sidikatu Traballador mak bele ajudu ita hodi defende ita nia direitu no hato’o ita nia keixa ba instituisaun relevante. Se mak la bele resolve iha servisu fatin laran, depois ita bele hato’o keixa ba iha SEPFOPE (Sekretáriu ba Polítika Estadu Formasaun n0 Profesional Empregu).