Wednesday, November 14, 2018

Área Saudi

No comments :
Ema hotu iha direitu bá moris ida ne’ebé adekuadu bá nia Saudi rasik no ninia famíllia, inklui ai-han, hatais, hela fatin, kuidadu médiku no servisu sosiál nesesáriu’’, art. 25.1 Deklarasaun Universál Direitu Umanu (DUDU) . 

Ida ne’e signifika Saudi nu’udar direitu fundamental bá ema kriatura. Nu’udar direitu fundamentu tanba Saudi nu’udar direitu ne’ebé nesesáriu atu hala’o direitu umanus sira seluk. 

Nune’e rekoñese mós iha lei internasionál sira ne’ebé Timór-Leste ratifika tiha ona hanesan Konvensaun Internasionál Direitu Ekonómia Sosiál no Kulturál (KIDESK) katak ema kriatura hot-hotu iha direitu atu goza nivél Saudi ás liu ne’ebé hetan hodi bele moris ho dignidade (art. 12 KIDESK). Nune’e mós direitu ida ne’e rekoñese iha art. 57 Konstituisaun RDTL.

Nune’e tuir instrumentu legál sira iha leten ne’e, Estadu iha obrigasaun atu hakonu direitu ida ne’e. Iha kontesktu Timór-Leste, governu realiza ona nia obrigasaun balun tuir mandatu konstituisaun nian hanesan Saudi Públiku fó asisténsia Saudi bá ho gratuita, estabelese Uspitál Sentru Saudi no Postu Saudi sira hakbesik bá komunidade. 

No mós kapasita rekursu umanus iha área Saudi nian hodi halo atendimentu públiku nian sei nota kestaun barak mak presiza governu tau atensaunn nafatin hodi garante ema hotu asesu bá Saudi ho fasíl no gratuitu.

Dadus husi ami nia monitorizasaun, haree liu bá atendementu Saudi Públiku iha Suku sira. Tuir observasaun no informasaun sira ne’ebé mak ami rekoilla husi Suku 72 iha Munisípiu 6, hatudu katak atendementu Saudi Públiku iha Suku sira, Ministériu Saude iha ona esforsu maka’as hodi hakbesik atendementu Saudi bá komunidade sira iha Suku liu husi hari’i postu Saudi, koloka pesoál Saudi no doutór preventiva sira iha Suku. 

Maibé asesu komunidade nian bá Saudi nafatin sai perkupasaun tanbá fasilidades Saudi nian iha Suku sira seidauk naton hodi pesoál Saudi sira hala’o sira nia kna’ar ho di’ak. 

Nune’e mós iha Suku balu seidauk iha Postu Saudi, pesoál Saudi no doutór preventiva sira hodi halo atendementu Saudi iha ne’ebá. Download Relatoriu Final, Faktus Lian Direitus Umanus-2017 ! 

No comments :

Post a Comment