Intorodusaun, HAK nu’udar Organizasaun Naun Governamentál ne’ebé ejisti dezde okupasaun Militár Indonézia iha Timor-Leste, serbisu iha área Direitus Umanus no Justisa.
#Advokásia Nivél Nasionál :
Wainhira Timor-Leste hetan ona independensia iha 2002, HAK nafatin ativu hala’o kna’ar hodi promove no proteje valores Direitus Umanus iha Timor-Leste, liu husi advokásia no monitórizasaun ba situasaun Direitus Umanus ne’ebé akontese.
HAK hala’o servisu ba instituisaun Estadu sira, hodi garante katak instituisaun sira ne’e, hala’o duni sira nia obrigasaun tuir lei sira ne’ebé ejisti iha Timor-Leste, hodi valoriza no respeitu, proteje, no hakonu ema hotu nia direitu.
Programa HAK nian ne'ebé mak agora se'e nafatin ativa iha servisu advokásia, mak hanesan asuntu sira tuir mai ne'e : Seitór Agrikultura, Bee Moos, Direitu Ba Rai, Edukasaun, Siguransa, Saúde, Krimi Pasadu no Labarik Lakon.
#Advokásia Nivél Internasionál :
HAK
hala'o Advokásia ba Direitu Justisa ba Vítima JUGUN IANFU
: “Liu Dékade Rua: Kontinua Luta ho Esperansa ba Lia Loos no Justisa” .
Ne’ebé mak ligasaun ba iha Segundu Guerra Mundiál ka Funu Mundiál
dala-ruak nian, halo nasaun hotu iha mundu preukupa inklui nasaun
sira iha Ázean. Japaun hanesan nasaun bo’ot ida iha reijaun ne’e, ne’ebé
adiantadu mós iha ninia téknolojia funu nian, tanba ne’e iha funu ne’e, nia mós
hakarak hatudu ninia forsa ba mundu katak iha Ázean, iha mós forsa. Nune’e nia
halo okupasaun iha teritóriu nasaun Ázean nian barak iha rejiaun Ázean nian,
inklui mós Timor-Leste.
